Katër djem të rinj humbën jetën në një aksident tragjik në mesnatë, në zonën e Fushë-Prezës, ku automjeti i tyre tip “Mercedes-Benz S-Class” u përplas me një betoniere dhe shpërtheu në flakë.
Fatkeqësisht, të rinjtë që mbetën të bllokuar brenda mjetit, u dogjën brenda makinës.
Mësohet se automjeti ka qenë i konvertuar në impiant gazi, çka ka shkaktuar edhe zjarrin.
Mjeti drejtohej nga 25-vjeçari Enejdi Laçi, ndërsa pasagjer kanë qenë vëllai i tij Erildi Laçi 20 vjeç, kushëriri i tyre Andi Laçi 22 vjeç dhe shoku Enrikejd Kurti 24 vjeç.
Fatkeqësisht, të gjithë humbën jetën.
Ndërsa betonierja drejtohej nga një 24-vjeçar, i cili në momentin e aksidentit u largua nga vendngjarja por u ndalua më vonë policia dhe u shoqërua për t’u marrë në pyetje.
Hetuesit po punojnë për të zbardhur shkaqet e aksidentit, që paraprakisht dyshohet të ketë qenë shpejtësia e lartë e makinës tip Benz.
