Një punonjëse e Policisë Rrugore është përplasur nga një automjet në autostradën TiranëDurrës.
Sipas Policisë, ngjarja ka ndodhur ditën e sotme, teksa punonjësja e Policisë, Radiela Shkëmbi ishte duke kryer shërbimin në këtë segment.
Ajo u përplas nga një automjet tip “BMW” me targë AA 260 DZ, me drejtues shtetasin Ridvan Allmeta.
Ky person më pas është ndaluar nga Policia dhe është shoqëruar në Komisariat për të dhënë shpjegime për ngjarjen.
Policia thotë se punonjësja ka pësuar disa fraktura, dhe është dërguar menjëherë në spital jashtë rrezikut për jetën.
