Janë zbardhur detaje lidhur me aksidentin e rënë të ndodhur mbrëmjen e sotme në rrugën e arbrit, ku humbën jetën tre persona dhe u plagosën katë të tjerë.
Në aksident u përfshinë dy makina, të cilat u përplasën kokë më kokë. Dyshohet se mjeti tip Mercedes “Benz 240” ku udhëtonin Kujtim dhe Murat Istrefi me dy bashkëshortet Lulzime dhe Firuze Istrefi, ka dalë nga një rrugë dytësore duke dalë nga fshati Gjoricë ku kishin qenë për vizitë dhe në momentin që kanë dalë në rrugën nacionale i kanë prerë rrugën mjetit tip Mercedez me targa Angleze. Si pasojë e shpejtësisë përplasja ka qenë shumë e fuqishme dhe mjeti ku udhëtonin viktimat është ndarë në 2 pjesë.
Mësohet se dy prej viktimave janë identifikuar si Kujtim dhe Murat Istrefi vëllezër, nga Maqellara ndërsa e shoqja e njërit prej viktimave Lulzime Istrefi ka humbur jetën rrugës për në spital .
4 të plagosurit janë dërguar për në spital dhe po marrin ndihmën mjekësore. Tre nga të plagosurit Mërgim Lazri 25 vjeç, Edison Lazri 20 vjeç, Kadrie Markeçi, ishin në mjetin tip Mercedes me targa Angleze, ndërsa Firuze Istrefi 56 vjeç është bashkëshortja e një prej viktimave që ishte në mjetin tjetër . Policia po punon për zbardhjen dhe dokumentimin e plotë të ngjarjes.
