Katër të rinj, mes të cilëve edhe një femër humbën jetën në aksidentin e tmerrshëm që ndodhi mëngjesin e djeshëm në Velipojë, pasi makina ra në kanalin e Hidrovorit.
Në media u raportua se Artenisa Perej ishte e fejuara e Besmir Kolës, i cili do të martohej në 14 gusht të kësaj vere.
Por sot, “Gazeta Express” raporton se në redaksinë e saj kanë mbërritur disa informacione nga të afërm të Besmir Kolës, që sqarojnë se vajza që u gjet e mbytur në makinë, në fakt ishte këngëtare e cila këndonte në lokalet e Kolës, që ai i kishte marrë me qera për sezonin e verës.
Sipas burimeve mësohet se e fejuara e Besmir Kolës, Jona është gjallë, e cila për fat të keq është duke përcjellë për në banesën e fundit Besmirin.
Pikërisht në foton e publikuar pak minuta më parë në të gjitha mediat, vajza bjonde që ndodhet përkrah Besmirit, është e fejuara e tij dhe është gjallë.
Nga aksidenti i tmerrshëm humbën jetën edhe dy italianë, miq të shqiptarëve të cilët kishin ardhur me pushime dhe për dasmën e mikut të tyre.
