Drejtuesi i makinës Besmir Kola, i cili humbi jetën në aksidentin e Velipojës, bashkë me tre të rinj të tjerë do të martohej në 14 gusht.
Pas lajmeve kontradiktore, se në aksident kishte humbur jetën edhe e fejuara e Besmirit, shoku i tij i afërt ka sqaruar për portalin ‘Jetaoshqef’ se vajza që humbi jetën Artenisa Peraj, ishte kushërira e Besmirit dhe jo e fejuara e tij.
Shokut i Besmirit, ka treguar se ai ishte i fejuar me një vajzë nga Rrësheni prej 5 vitesh dhe me 14 gusht kishin planifikuar ditën e martesës.
Pra Besmiri dhe Artenisa, kanë qenë kushërinj dhe Artenisa e cila banonte në Itali bashkë me familjen, kishte ardhur në Shqipëri për të shpallur fejesën me të riun italian Giogio.
“Te ndjerin Bes e kam pas shok te afert. Besi me Artenisen jane kusherinj. Familja e Artenises ne momentin e aksidentit kane qene ne Itali ne pune. I ati i Nises punon me nje peshkarexh edhe e ema ne shtepi. Ndersa Artenisa kish ardhe per dasmen e Besit, me te fejuarin e saj me Giogion. Ndersa per ate te pa identifikuarin as ne nuk e dime. Ju kerkoj falje per vonesat por jemi ne mort me kuptoni, besoj. Artenisa ishte e fejuar me Giogion, por akoma nuk e kishin shpallur per familjaret, kishte ardhe me pushime dhe per dasmen e Besit dhe do ta shpallte edhe fejesen.”
Gjithashtu shoku i Besmirit ka treguar se Besi kishte marrë në Velipojë një club nate me qera, në të cilin do të punonte gjatë sezonit veror dhe për të shkuar në Disko ishte nisur rreth orës 1 mëngjesit, ndërkohë aksidenti ka ndodhur në 2:30.
