Drejtuesi i mjetit tip ‘Benz’ që shkaktoi aksidentin tragjik me dy të vdekur në orët e para të mëngjesit, është shpallur në kërkim nga policia.
Mjeti benz dyshohet se goditi taksinë nga mbrapa. Sipas policisë personi i shpallur në kërkim është Fatjon Zhaporja, pronar i mjetit me targë AA 060 SP.
Bujar Agalliu, 60 vjeç, banues në Durrës dhe pasagjerja e tij, Elena Abdillari, 23 vjeçe, banuese në Tiranë gjetën vdekjen pasi taksia nga përplasja e fortë përfundoi në një karburant duke pësuar një goditje të dytë.
Të pranishëm në vendin e ngjarjes kanë qenë shumë dëshmitarë por asnjë prej tyre nuk e ka parë drejtuesin e makinës së dytë, edhe policia pohon të njëjtën gjë.
“Në mjetin tip ‘Benz’ nuk është gjetur asnjë shtetas. Në vendngjarje ndodhen Efektivet e Policisë, të cilët po punojnë për gjetjen e drejtuesit të mjetit tip “Benz” dhe zbardhjen e rrethanave të ngjarjes”- thuhet në njoftimin e policisë.
