Detaje të tjera janë zbardhur nga aksidenti tragjik i ndodhur dje në Kavajë, ku një grua që udhëtonte me tre fëmijët e saj humbi kontrollin e mjetit dhe u përplas me trafikndarësen.
Në vendin ku ndodhi aksidenti tragjik trafikndarësja anësore ishte e shkëputur, pasi aty ndodhet një dalje për në rrugën dytësore të Qerretit
Në momentin e aksidentit, 24vjeçarja ka humbur kontrollin dhe automjeti është ngulur drejtpërdrejt në trafikndarësen me llamarina. Duke qenë të shkëputura, llamarinat kanë hyrë në derën e pasme të krahut të djathtë, duke prere dy fëmijet që ndodheshin në sediljen e pasme të makinës.
Prokuroria ka nisur hetimet për përgjegjësit e mbikëqyrjes së rrugëve, pasi aksidenti ka të tilla përmasa, për shkak se trafikndarësja ka qenë e shkëputur. Sipas ekspertëve të aksidenteve, nëse përplasja do të kishte ndodhur pak metra më tej, aksidenti nuk do të kishte këto pasoja tragjike, ku dy të mitur (vëllezër) humbën jetën, ndërsa nëna dhe vëllai i tyre mbetën të plagosur.
Gjithashtu, ekspertët thonë se drejtuesja e mjetit po lëvizte me shpejtësi brenda normave të lejuara, por për shkak të rrugës së keqe, ka humbur kontrollin e mjetit. Aksidenti tragjik në Kavajë, babai merr leje nga burgu për varrimin e fëmijëve Sokol Negollari, babai i dy fëmijëve që humbën jetën tragjikisht në një aksident ditën e djeshme ka marrë leje nga Burgu i Rrogozhinës për të marrë pjesë në varrimin e tyre.
Bashkëshortja e tij u aksidentua ditën e djeshme në Qeret ku u përplas me një trafikndarëse. Ajo po shkonte në Burgun e Rrogozhinës për të takuar të shoqin së bashku me tre fëmijët. Mirëpo, nga aksidenti, dy prej tyre humbën jetën. Negollari është dënuar me burg për ndërtime të paligjshme
