Policia e Durrësit ka reaguar për aksidentin e ndodhur pasditen e sotme në Hamallaj të Durrësit.
Sipas njoftimit të bluve, aksidenti ka ndodhur rreth orës 15:40, kur dy automjete janë përplasur me njëra-tjetrën.
Si pasojë e përplasjes ka humbur jetën në spital shtetasi A.H, 16 vjeç, i cili ishte pasagjerë në automjetin që drejtohej nga shtetasi E.K. Ky i fundit është plagosur dhe ndodhet jashtë rrezikut për jetën.
Gjithasht i plagosur ka mbetur edhe drejtuesi i automjetit tjetër, shtetasi O.M.
Njoftimi i policisë:
Rreth orës 15:40, në Hamallaj Durrës, automjeti me drejtues shtetasin O. M., 25 vjeç, është përplasur me automjetin me drejtues shtetasin E. K., 20 vjeç.
Si pasojë e përplasjes është dëmtuar shtetasi E.K, i cili ndodhet nën kujdesin e mjekëve dhe ka humbur jetën në spital pasagjeri shtetasi A. H., 16 vjeç, që ndodhej në automjetin që drejtonte shtetasi E. K.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
