Dy persona kanë mbetur të vdekur gjatë një aksidenti të ndodhur mbrëmjen e sotme në fshatin Kamuna në Cërrik.
Mësohet se në këtë aksident mbetën të plagosur dhe dy persona të cilët janë transportuar për në spital.
Si pasojë e përplasjes së fortë ndërroi jetë Agron Shermadhi, 48 vjeç, banues në fshatin Lumas, Cërrik, i cili ishte pasagjer në një nga automjetet si dhe shtetasi Agim Menci, drejtuesi i karocës.
Ndërkohë, policia po vijon punën për zbardhjen e plotë të rrethanave.
Njoftimi i policisë:
Në fshatin Kamuna, Cërrik, është përplasur mjeti tip “Benz”, me drejtues shtetasin D. Sh., banues në Cërrik, me mjetin tip “Benz”, me drejtues shtetasin A.H., banues në fshatin Kamuna, Cërrik, dhe një karrocë me drejtues shtetasin A.M., banues në fshatin Linas, Cerrik.
Si pasojë e aksidentit kanë ndërruar jetë shtetasi A.Sh., 48 vjeç, banues në fshatin Lumas, Cërrik, i cili ishte pasagjer në një nga automjetet si dhe shtetasi A. M., ( drejtuesi i karocës).
Ndërsa dy drejtuesit e automjeteve, ndodhen nën kujdesin e mjekëve. Grupi hetimor ndodhet në vendngjarje dhe po punon për zbardhjen e shkakut./ Opinion.al E.Xh.
