Policia ka vënë në pranga shoferen 29-vjeçare pas aksidentit të ndodhur mbrëmjen e djeshme në Elbasan, ku humbi jetën një person dhe 6 të tjerë u plagosën.
E reja K.Sh., banuese në Elbasan drejtonte mjetin tip “Volkswagen, që u përplas me minibusin, i cili drejtohej nga A.K., 51 vjeç.
Viktimë e këtij aksidenti mbeti 36-vjeçari Gledis Dedja, i cili ishte pasagjer në mjetin që drejtohej nga 29-vjeçarja, e cila gjithashtu pësoi lëndime nga aksidenti.
Ajo akuzohet për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”. Po ashtu, si pasojë e përplasjes mbetën të plagosur edhe pesë pasagjerë të minibusit.
Njoftimi i policisë:
Në vijim të informacionit të dhënë mbrëmjen e djeshme ku në aksin rrugor Elbasan-Metalurgji, mjeti tip “Volkswagen”, që drejtohej nga shtetasja K.Sh., 29 vjeçe, banuese në Elbasan u përplas me mjetin minibus me drejtues shtetasin A.K., 51 vjeç, banues në Tiranë dhe për pasojë ndëroi jetē pasagjeri i mjetit “Volksëagen”, shtetasi K.D., 36 vjeç, banues në fshatin Katundi i Ri, Elbasan si dhe u plagosën jashtë rrezikut për jetēn disa shtetas të cilët ishin pasagjerët të minibusi, ju informojmë se:
Nē përfundim të veprimeve hetimore specialistët e qarkullimit rrugor në DVP Elbasan arrestuan në flagrancë shtetasen K.Sh., 29 vjeçe, banuese në Elbasan, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”. Matrialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale./Opinion.al
