Policia e Vlorës ka dhënë detaje lidhur me aksidentin me dy viktima dhe dy të plagosur në aksin Borsh-Himarë.
Sipas uniformave blu mësohet se një furgon në të cilin udhëtonin dy bashkëshortët Kastriot dhe Donika Mehmeti, është goditur nga një automjet tip “Mercedes”.
Policia ka vendosur në pranga në kushte spitalore 29-vjeçarin që dyshohet se shkaktoi këtë aksident.
“Borsh/Në vijim të veprimeve për dokumentimin e aksidentit të ndodhur më 30.05.2025, në rrugën e Plazhit, Borsh, ku humbën jetën dy shtetas dhe u plagosën dy të tjerë, u arrestua në flagrancë, për veprën penale “Shkelja e rregullave të qarkullimit rrugor”, drejtuesi i automjetit tip “Benz”, shtetasi M. Q., 29 vjeç, banues në Vlorë.
Nga veprimet hetimore ka rezultuar se ky shtetas, duke drejtuar automjetin tip “Benz”, ka humbur kontrollin mbi drejtimin e mjetit dhe është përplasur me një mjet të llojit furgon, që drejtohej nga shtetasi K. M., 66 vjeç, i cili së bashku me pasagjeren D. P., 70 vjeçe, ka humbur jetën në vendngjarje.
Drejtuesi shtetasi M. Q. dhe pasagjeri në automjetin e tij, shtetasi P. A., 23 vjeç, janë transportuar në QSUT, Tiranë, për ndihmë mjekësore të specializuar”, njofton policia.
