Policia ka dhënë më shumë detaje për aksidentin e ndodhur pak më parë në Borsh të Himarës.
Sipas informacionit parprak të policisë raportohet se ngjarja ka ndodhur rreth orës 14:20 në rrugën e Borshit, ku janë përfshirë në një aksident një automjet tip ‘Benz’ me një mjet të llojit furgon.
Si pasojë e përplasjes, kanë humbur jetën në vendngjarje drejtuesi i furgonit, shtetasi K. M., rreth 60 vjeç, dhe një pasagjere në këtë mjet, e cila dyshohet të jetë bashkëshortja e tij.
“Sot, rreth orës 14:20, në rrugën e Borshit, janë përfshirë në një aksident rrugor një automjet tip ‘Benz’ me një mjet të llojit furgon. Si pasojë e përplasjes, kanë humbur jetën në vendngjarje drejtuesi i furgonit, shtetasi K. M., rreth 60 vjeç, dhe një pasagjere në këtë mjet, e cila dyshohet të jetë bashkëshortja e tij. Punohet për identifikimin e saj”, thuhet në një njoftim paraprak të policisë së Vlorës.
Nga ngjarja mbetën të plagosur edhe dy persona të tjerë, ku konkretisht janë dëmtuar dy shtetasit që ndodheshin në automjetin tip ‘Benz’, konkretisht drejtuesi i mjetit, shtetasi M. Q., dhe pasagjeri, shtetasi P. A., të cilët po transportohen në spital për ndihmë mjekësore.
“Gjithashtu, janë dëmtuar dy shtetasit që ndodheshin në automjetin tip ‘Benz’, konkretisht drejtuesi i mjetit, shtetasi M. Q., dhe pasagjeri, shtetasi P. A., të cilët po transportohen në spital për ndihmë mjekësore. Grupi hetimor po punon për sqarimin e plotë të rrethanave të aksidentit”, thuhet më tej në njoftim.
