Edmond Murati dhe Etjon Lazri, drejtuesit e mjeteve që u përfshinë në aksidentin tragjik që la dy viktima janë arrestuar nga policia për kryerjen e veprës penale “Shkelje e rregullave te qarkullimit rrugor”.
Ngjarja e rëndë ka ndodhur pasditen e sotme rreth orës 15:15. në rrugën “Xhanfize Keko” dhe si pasojë e përplasjes së makinave kanë mbetur viktimë këmbësorët Erion Balla, 36-vjeç dhe Hidajete Salliu, 72-vjeç. Ata kanë qenë duke ecur ne trotuar, por si pasojë e goditjes kanë gjetur vdekjen ne vend.
Njoftimi:
Nga Specialistët e Qarkullimit Rrugor u bë arrestimi në flagrancë i shtetasve E.M, 36 vjeç, banues Tiranë, dhe E. L, 31 vjeç, banues në Tiranë.
Më datë 02.01.2020, rreth orës 15.00, në rrugën “Xhanfize Keko”, shtetasi E.M, ka qenë duke drejtuar automjetin tip Volkswagen me targa AA 758 YZ i cili ka qenë duke udhetuar nga Porcelani në drejtim të sheshit “Shtraus” dhe është përplasur me automjetin tip Volkswagen me ngjyrë gri me taraga AA 544 SX e drejtuar nga shtetasi E. L, ku si pasojë e perplasjes automjeti me targa AA544SX ka aksidentuar këmbësorët shtetasen H. S dhe shtetasin E. B, të cilët kanë qenë duke ecur ne trotuar, ku si pasoje e goditjes kanë gjetur vdekjen ne vend.
Materialet ju kaluan Prokurorisë së Rrethit Gjyqësor Tiranë në ngarkim të shtetasve E. M dhe E. L për veprime të metejshme
