Andrea Memollari do të vuajë dënimin me 6 vite burg. Ai aksidentoi për vdekje Dhurata Priftin në unazë në muajin korrik të 2016-ës. Gruaja po kalonte rrugën bashkë me dy fëmijët e mitur kur u shtyp fatalisht nga shoferi që tha në gjykatë se nuk e kishte mendjen dhe nuk i kishte parë këmbësorët. Prokuroria ka kërkuar 10 vite heqje lirie për Andrea Memollarin, por gjykata dha 9 vite burg. Në fund, për shkak se pranoi gjykimin e shkurtuar, ai do të vuajë 6 vite burg.
Aksidenti ku humbi jetën Dhurata Prifti ka qenë i tmerrshëm, pasi Memollari i kaloi përsipër me makinë viktimës dhe u largua nga vendngjarja. Ndërkohë gjithë skena është parë nga dy fëmijët e mitur të cilët po kalonin rrugën me nënën e tyre.
Bashkëshorti i Dhuratës gjatë seancave të mëparshme gjyqësore kishte kërkuar dënim më të rëndë për autorin e aksidentit që jo vetëm i mori jetën bashkëshortes por la trauma të mëdha tek fëmijët.
*Pamjet e aksidentit fatal
Pamjet e aksidentit ne Tirane ne rrugen Jordan… by 3-14-15-92
