Një tjetër aksident është shënuar ditën e sotme në autostradën Tiranë-Durrës, ku një çift bashkëshortësh kanë dalë jashtë rruge me mjetin e tyre pranë fshatit Marikaj.
Viktima është Rami Merja, 59 vjeç, banues në Tiranë i cili udhëtonte bashkë me bashkëshorten e tij, ku makina me të cilin lëviznin doli nga rruga rreth orës 12.20.
Makina pasi ka bërë disa metra, ka dalë jashtë rrugës duke u batuar dhe për pasojë përfunduar në kanal.
Shkak për këtë aksident u mësua të jetë bërë një atak kardiak që ka pësuar drejtuesi i mjetit që më pas humbi jetën, ndërsa bashkëshortja e tij mundi të shpëtojë pa dëmtime serioze.
Njoftimi i Policisë
“Në rrugën ‘Malsubash’, shtetasi R.M. 59 vjeç, banues në Tiranë, duke drejtuar mjetin tip ‘Volksëagen’, ka humbur kontrollin e mjetit, për pasojë ka gjetur vdekjen. Nga veprimet e kryera rezultoi se vdekja ka ardhur për shkaqe natyrale, atak kardiak. Materialet u referuan në Prokurorinë pranë Gjykatës së Shkallës së Parë Tiranë. Neni 290 i Kodit Penal”, thuhet njoftimin paraprak të Policisë lidhur me ngjarjen
