Një aksident i ka marrë jetën një shqiptareje në Itali. Ngjarja ka ndodhur mbrëmjen e djeshme në Villafranca, ku shtetasja shqiptare u përplas nga një shofer i ri.
Mediat në shtetin fqinj raportojnë se nga përplasja fatale humbi jetën Edmonda Boka, e cila sapo zbriti nga makina e saj, është përplasur nga një tjetër mjet, që drejtohej nga një 18-vjeçar.
Menjëherë në vendin e ngjarjes ka shkuar policia dhe ambulanca së bashku me një helikopter, por nuk kanë mundur të mbajnë në jetë shqiptaren.
Autoritetet po punojnë për të zbardhur rrethanat e aksidentit që i morën jetën shqiptares.
