Një nga të rinjtë që humbi jetën sonte në aksidentin tragjik ishte një djalë i talentuar. Ergi Dini ka fituar spektaklin e talenteve të reja X Faktor që u trasnmetua nga Tv Klan.
Aksidenti ndodhi rreth orës 21:20 të së hënës në bulevardin “Bajram Curri”, pranë urës së “Bllokut” në Tiranë. Dy të rinjtë nuk kanë qenë më shpejtësi dhe as nën efektin e alkolit apo substancave narkotike. Drejtuesi i motorit ka tentuar që në ecje e sipër të ngrihej në rrotën e parë. Ata janë ngritur por nuk kanë ruajtur dot ekuilibrin duke pësuar një rënie të fortë. Mësohte nga policia se të dy të rinjtë kanë qenë pa kaska mbrojtëse.
Që në moshën 20 vjeçare, Ergi Dini u shpallej fitues i konkursit muzikor “X Factor”. Pas një konkurimi nën mbrojtjen e Altuna Sejdiut, Ergi do të arrinte që në shkurt të vitit 2014, të fitonte “X Factor”. Një vit më vonë ai konkuroi në “Kënga Magjike” me këngën “Pa frymë”, por që nuk do të arrinte të fitonte. Megjithatë për të karriera sapo kishte nisur. Në 2016, këngëtari do të sillte dy këngë të shoqëruara me videoklipe, përkatësisht “Morphine” dhe “Asnji gram”.
Nga burime pranë këngëtarit mësohet se ai ishte gati për një project të radhës, që tragjikisht tashmë është ndërprerë në mes së bashku me jetën dhe ëndrrat e tij.
