Një shqiptar është dënuar me katër muaj burgim dhe një milion euro dëmshpërblim ndaj familjes së një italiani të cilin e aksidentoi për vdekje një vit më parë.
La Repubblica shkruan se, “ky është ndoshta dënimi më i rëndë i dhënë në Firence për veprën e shkaktimit të vdekjes nga një aksident rrugor”.
27-vjeçari Italian Matteo Ciappi, humbi jetën 12 shtator 2015 në spital, pasi u aksidentua me makinë nga shqiptari Besmir Shkambaj, në 5 shtator.
Ngjarja
Ciappi ishte duke udhëtuar me një skuter drejt sheshit “Lavagnini” në Firence. Në kryqëzimin mes rrugëve “Agnolo Poliziano” dhe “Lorenzo il Magnifico”, ai i dha gaz motoçikletës sapo pa të pulsonte e verdha në semafor dhe u përplas nga një automjet tip “Mercedes” që drejtohej nga shqiptari Besmir Shkambaj, pak muaj më i madh se viktima.
Procesi gjyqësor
Shkambaj u dënua me proces të shkurtuar. Dënimi u dha nga gjykatësi Matteo Zanobini, ndërsa prokuroja Daniela Cento kishte kërkuar për shqiptarin 6 vite burgim. Shkambaj nuk ishte as i dehur dhe as i droguar, por sjellja e tij në rrugë u konsiderua e pakujdesshme. Ai arriti në kryqëzim me 68 km/h, 4 sekonda pasi kishte pulsuar drita e kuqe./Syri.net
