Një tjetër aksident fatal u shënua sot me dy viktima tek Mali i Robit në Golem. Janë dy pjestarë të së njëjtës familje, nusja 34 vjeçe dhe vjehrri 69 vjeç. Po kështu i plagosur rëndë ka mbetur djali i mitur i 34 vjeçares. Ata po prisnin autobusin në stacion kur u përplasën nga një mjet Toyota që drejtohej nga një vajzë. Policia tha se ka ndaluar 30 vjeçaren me iniciale I.P. Dyshohet se ajo ka qene me shpejtesi ndaj ka humbur kontrollin e mjetit duke dale nga rruga.
Sakaq informacioni i fundit që vjen është për 8 vjeçarin. Ai ka marrë plagë të shumta dhe spitali i Durrësit sapo e ka nisur me ambulancë drejt spitalit të Traumës në Tiranë. Mjekët thanë se ka dëmtime në kokë.
Ky është aksidenti i tretë i rëndë që ndodh brenda javës. Në Velipojë, të dielen e 18 shkurtit u shua një familje. Edmond Preka bashkë me 3 fëmijët e mitur humbën jetën pasi makina me të cilën udhëtonin u përplas me një fuoristradë në rrugën Shkodër-Velipojë. Ndërsa në Durrës, në zonën e Maminasit, 3 ditë më parë një makina përplasi taksinë, ku humbën jetën dy persona.
Policia për ngjarjen e Golemit
Me datë 24.02.2018 rreth orës 07:40, tek Mali i Robit në afërsi të Kavajës, ka ndodhur një aksident me pasojë vdekjen.
Mjeti tip “Toyota” me drejtuese I. P., 30 vjeçe, ka aksidentuar me pasojë vdekjen 2 shtetas (vjehri dhe nusja) shtetasit Xh. F., 69 vjeç dhe E. F., 34 vjeçe.
Gjithashtu është lënduar edhe fëmija i mitur XH. F, 8 vjeç, i cili u transportua në spitalin e Durrësit, dhe ndodhet nën kujdesin e mjekëve .
Paraprakisht dyshohet se shkak i aksidentit ka qenë humbja e kontrollit gjatë drejtimit të mjetit.
Grupi hetimor po kryen veprimet për zbardhjen e plotë të aksidentit, ndërsa drejtuesja e mjetit është shoqëruar në Komisariat për veprime të mëtejshme.
/Opinion.al
*Në foto makina që shkaktoi tragjedine sot tek Mali i Robit ne Golem
