Dy aksidente në Shkodër dhe Pukë janë shënuar mëngjesin e së martës. Aksidenti në Velipojë ka qenë fatal pasi i ka marrë jetën një vajze vetëm 10 vjeç. Siç njoftoi policia aksidenti ndodhi në në vendin e quajtur “Sektor”, ndërsa e mitura me iniciale V.SH. ka qenë duke pritur autobusin sëbashku me gjyshin. Teksa ka tentuar të kalojë rrugën është përplasur nga automjeti “Benz” që drejtohej nga Lush Gjelaj, 53 vjeç.
Ndërkohë në aksin Pukë-Qelëz dy mjete “fuoristradë” janë përplasur mes tyre. Njëri nga mjetet transportonte nxënës drejt shkollës së Qelzës, e si pasojë 4 prej tyre kanë marrë lëndime të lehta e janë transportuar në qendrën shëndetësore të fshatit.
