Një i ri nga Shqipëria ka humbur jetës si pasojë e një aksidenti rrugor në Britaninë e Madhe.
Mediat britanike kanë zbardhur identitetin e viktimës dhe bëhet fjalë për 24-vjeçarin Robert Morina.
Ngjarja e rëndë ka ndodhur me 21 maj, ku 24-vjeçari udhëtonte i vetëm në mjetin tip ‘Audi A3’.
Dyshohet se makina e tij u përplas dhe u përmbys në Gravel Hill, midis Henley dhe Rotherfield Grays.
Morina, i cili ishte hidraulik praktikant, humbi jetën pas lëndimeve të rënda në kokë.
Policia britanike ka kryer pesë arrestime, pas aksidentit.
