Gjatë ditës së sotme autobusi i linjës së Tiranës së Re ka përplasur dy këmbësore. Ngjarja ka ndodhur në Bulevardin Zogu i Parë rreth mesditës, ku drejtuesi i autobusit A.M ka përplasur dy kalimtaret.
Si pasojë e këtij aksidenti kanë mbetur të plagosura dy këmbësore njëra prej të cilave me iniciale K.N.
Fatmirësisht të dyja të plagosurat ndodhen jashtë rrezikut për jetën. Mësohet se policia ka shoqëruar për në komisariat drejtuesin e autobusit lidhur me veprime të mëtejshme hetimore.
Njoftimi i Policisë:
Rreth orës 13:32 në Bulevardin Zog i Parë, autobusi i linjës Tiranës së Re me drejtues shtetasin A. M ka përplasur dy këmbësore.
Si pasojë e përplasjes, janë dëmtuar jashtë rrezikut për jetën shtetasja K. N dhe shtetasja tjetër që ishte së bashku me të.
Drejtuesi i autobusit shtetasi A. M është shoqëruar në Komisariat për veprime të metejshme hetimore. Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit, si dhe identifikimin e njërës nga shtetaset të aksidentuar./Opinion.al/
