Një aksident i rëndë ka ndodhur në rrugën Shkodër-Bushat, ku për pasojë kanë humbur jetën dy persona.
Sipas të dhënave nga vendngjarja, dy makina, njëra tip “Audi” dhe tjetra “Mitsubishi” janë përplasur “kokë më kokë”.
Tre persona të tjerë kanë mbetur të plagosur dhe janë transportuar me urgjencë në spitalin e Shkodrës.
Shkak për këtë aksident mendohet të ketë qenë shpejtësia e lartë dhe një manovër e gabuar e njërit prej shoferëve.
Policia e mbërritur në vendin e ngjarjes ka nisur hetimet për të zbardhur shkaqet e këtij aksidenti.
Njoftimi i policisë
Më datë 10.04.2019 ora 14.35, në aksin rrugor Shkodër – Lezhë, ne vendin e quajtur Krye Bushat, janë perplasur mjeti tip Nissan me mjetin tip Audi, si pasojë kanë mbetur të dëmtuar shtetasit L. K. 55 vjeç, E. P. 23 vjeç, J. P. 28 vjeç, B. M. 32 vjeçe dhe P. Z. 66 vjeç, të cilët u dërguan në Spitalin Rajonal Shkodër
Gjithashtu si pasojë e aksidentit kanë gjetur vdekjen edhe dy shtetase të cilat akoma nuk dihet identiteti i tyre dhe janë dërguar në Morgun e Spitalit Rajonal Shkodër.
Veprimet po kryhen me grup hetimor për sqarimin e rrethanave të aksidentit./Opinion.al
