Një tjetër aksident rrugor është regjistruar mëngjesin e sotëm në aksin Fier-Levan.
Mësohet se dy automjete, një tip “Toyota” dhe një tip “Opel” me targa Kosove janë përplasur me njëra-tjetrën, ndërkohë që policia bën me dije se fatmirësisht ka patur vetëm dëme materiale.
Si pasojë e aksidentit janë shënuar radhe të gjata automjetesh.
Një prej shkaqeve të aksidentit dyshohet lagështira në rrugë si edhe fushëpamja e kufizuar për shkak te shiut.
Ndërkaq, Grupi hetimor po vijon hetimet për zbardhjen e shkaqve të ngjarjes.
