Një aksident rrugor është regjistruar këtë të dielë në Tiranë, ku urbani i linjës së Krrabës është përmbysur në mes të rrugës.
Policia bën me dije se ngjarja ka ndodhur rreth orës 15:45, ndërsa dyshohet se drejtuesi i autobusit ka humbur kontrollin mbi drejtimin e mjetit dhe ka dalë nga rruga e për pasojë autobusi është batuar në rrugë.
Si pasojë e aksidentit janë lënduar tre pasagjerë të cilët ndodhen nën kujdesin e mjekëve, jashtë rrezikut për jetën.
Drejtuesi i autobusit i është nënshtruar testit të alkoolit dhe nuk ka rezultuar nën efektin e pijeve alkoolike.
“Tiranë/Informacion paraprak: Më datë 26.03.2023, rreth orës 15:45, në Rrugën e Elbasanit, shtetasi G. Q., 42 vjeç, duke drejtuar autobusin e linjës së Krrabës, dyshohet se ka humbur kontrollin mbi drejtimin e autobusit dhe si pasojë autobusi ka dalë nga rruga dhe është përmbysur. Si pasojë janë dëmtuar 3 shtetas të cilët ndodhen nën kujdesin e mjekëve, jashtë rrezikut për jetën. Pas testit të alkoolit, drejtuesi i autobusit nuk ka rezultuar nën efektin e pijeve alkoolike. Në vendngjarje ndodhen shërbimet e ambulancës dhe shërbimet e Policisë”-njofton policia./Opinion.al
