Një ngjarje e rëndë është shënuar në fshatin Grabovë, të Gramshit. Policia bën me dije se një 51-vjeçar, punonjës i një firme ndërtimi, gjatë kohës që ka qenë duke kryer punime për ndërtimin e një hidrocentrali, dyshohet se aksidentalisht është dëmtuar nga një mjet pune i kësaj firme. Si pasojë e dëmtimeve, 51-vjeçari ka humbur jetën gjatë transportimit në spital.
“Mesditën e sotme, në fshatin Grabovë, shtetasi F. V., 51 vjeç, punonjës i një firme ndërtimi, gjatë kohës që ka qenë duke kryer punime për ndërtimin e një hidrocentrali, dyshohet se aksidentalisht është dëmtuar nga një mjet pune i kësaj firme. Si pasojë e dëmtimeve, 51-vjeçari ka humbur jetën gjatë transportimit në spita”-njofton policia.
Grupi hetimor vijon punën për zbardhjen e plotë të rrethanave të ngjarjes./Opinion.al
