Një aksident i rëndë ka ndodhur mëngjesin e sotëm në rrugën e Volorekës në Pogradec, ku ka mbetur i plagosur rëndë një djalë i ri ende i paidentifikuar.
Policia tha se janë përplasur një motor pa targa me një furgon Benz – Mercedes me targa AA 641 HV, me drejtues shtetasin F.T.
I plagosur, në gjendje të rëndë shëndetësore është drejtuesi i motorit (ende i paidentifikuar) i cili u transportua në Spitalin e Pogradecit për ndihmë mjekësore.
Drejtuesi i mjetit ndodhet i shoqëruar në komisariat për veprime të mëtejshme. Paraprakisht dyshohet se shkak i aksidentit, ka qenë humbja e kontrollit nga ana e drejtuesit të motorit.
