Një 55 vjeçar ka humbur jetën mëngjesin e sotëm si pasojë e një aksidenti automobilistik.
Ngjarja ka ndodhur në aksin rrugor Lezhë-Shenkollë, në vendin e quajtur “Kryqëzimi i Shënkollit, ku një mjet i drejtuar nga 32-vjeçari me iniciale Xh.N ka përplasur, 55 vjeçarin me iniciale T.D, i cili po drejtonte një ciklomotor.
Si pasojë e kësaj përplasje 55 vjeçari banues në Grykë Lum të Lezhës ka ndërruar jetë.
Drejtuesi i mjetit mësohet të jetë shoqëruar në Komisariat për veprime të mëtejshme. Grupi hetimor vazhdon veprimet në vendngjarje për sqarimin e rrethanave të aksidentit./Opinion.al/
