Një çift bashkëshortësh kanë mbetur të plagosur ditën e sotme si pasojë e një aksidenti të ndodhur në dalje të qytetit të Korçës.
Mësohet se, motori ku po udhëtonte çifti i bashkëshortëve është përplasur nga një makinë.
Të aksidentuarit janë transportuar për në spital, ku kanë marrë mjekimin e nevojshëm. Nga të dhënat paraprake bëhet me dije se gjendja e tyre është e rëndë.
Ndërkohë, policia ka mbërritur në vendngjarje dhe po punon për zbardhjen e plotë të rrethanave të aksidentit.
Njoftimi i policisë
Më datë 07.04.2019, jemi njoftuar se në aksin rrugor Ersekë-Korçë, shtetasja Th.K, duke drejtuar mjetin tip “Mitsubishi” është përplasur me një mjet tip motorr me drejtues shtetasin B.L.
Për pasojë janë dëmtuar shtetasi B.L dhe bashkëshortja e tij shtetasja Sh.L, banues në Kamenicë, që udhëtonin me motorr, të cilët u dërguan në Spitalin e Korçës, ku ndodhen nën kujdesin e mjekëve.
Shtetasja Th.K, është shoqëruar në Komisariat për kryerjen e veprimeve të mëtejshme.
Grupi hetimor po punon për të sqaruar rrethanat e ngjarjes./ Opinion.al E.Xh.
