Një person humbi jetën gjatë një aksidenti të ndodhur sot në fshatin Kabash në Gramsh. Mësohet se në këtë aksident janë plagosur dhe 4 persona të tjerë të cilët janë transportuar për në spital.
Viktima është identifikuar me inicialet A.Ll., rreth 35 vjeç. Policia njofton se automjeti tip mikroautobuz që drejtohet nga shtetasi B.Ç., ka pësuar një defekt teknik dhe për pasojë ka dalë nga rruga.
Njoftimi i policisë
Rreth orës 16:20, në fshatin Kabash, Gramsh, automjeti tip mikroautobuz që drejtohet nga shtetasi B.Ç., banues në fshatin Poroçan, Gramsh, si pasojë e një difekti teknik ka dalë nga rruga dhe për pasojë ka humbur jetën shtetasi A.Ll., rreth 35 vjeç, si dhe janë plagosur 4 pasagjerë, të cilët po transportohen me autoambulanc për në Spital. Shërbimet e Policisë dhe grupi hetimor ndodhen në vendngjarje dhe po vijon puna për zbardhjen e shkakut të aksidentit./ Opinion.al
