Një aksident me plagosjen rëndë të dy personave është regjistruar në orët e pasdites së sotme në Gjirokastër.
Burime nga vendi i ngjarjes bëjnë me dije se dy automjete janë përplasur mes tyre në vendin e quajtur kthesa e Picarit.
Ka qenë kryebashkiakja e Gjirokastrës, Zamira Rami, e cila është gjendur rastësisht në vendin e aksidentit, që ka njoftuar e para policinë dhe ambulancën.
Të plagosurit janë transportuar drejt spitalit për marrjen e ndihmës mjekësore.
Policia vijon hetimet për shkaqet e ngjarjes.
