Gjatë persona janë lënduar si pasojë e një aksidenti që ndodhi pasditen e së dielës në Fushë Mamurras. Mes të lënduarve ndodhen edhe tre minorenë të moshave 12, 13 dhe 17 vjeç të cilët janë dërguar në Spitalin e Traumës për ndihmë.
“Rreth orës 18:00, në aksin rrugor Laç – Fushë Krujë, në vendin e quajtur Fushë Mamurras, janë aksidentuar automjeti tip “Benz” me automjetin tip “Renault”. Për pasojë kanë marrë lëndime fizike dhe janë dërguar në Spitalin e Traumës Tiranë për ndihmë mjekësore shtetasit I. H. 43 vjeç dhe shtetasja I. H. 13 vjeçe të cilët ndodheshin në mjetin tip ” Benz” si dhe shtetaset M. K. 39 vjeçe, M. Sh. 73 vjeçe, D. K. 17 vjeç dhe R. K. 12 vjeç të cilët udhëtonin në mjetin tip “Renault”. Grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit”, njofton Policia e Kurbinit./Opinion.al
