6 automjete janë përshirë në një aksident në qendër të qytetit të Fierit, por pa dëmtime në njerëz. Sipas policisë lokale ngjarja ka ndodhur rreth orës 20.30 të së martës pranë azilit të të moshuarve.
Dy automjete, një “Audi” dhe një “Mercedes”, janë përplasur me njëri-tjetrin ndërkohë që njëri prej drejtuesve ka humbur kontrollin duke dëmtuar edhe 4 mjete të parkuara në anë të rrugës.
Menjëherë në vendngjarje ka mbërritur policia, e cila po kryen veprimet hetimore për zbardhjen e shkaqeve të ngjarjes. Paraprakisht dyshohet se aksidenti është shkaktuar pasi një nga drejtuesit ka qenë në gjendje të dehur. / Opinion.al
