Një aksident i rëndë ka ndodhur mbrëmjen e sotme në aksin rrugor “Fier-Libofshë”, ku një automjet ka përplasur një mototmjet.
Ngjarja ka ndodhur rreth orës 20:20 dhe shkak e aksidentit dyshohet të jetë bërë shpejtësia tej normave dhe rruga e pandriçuar.
Si pasojë, drejtuesi i motorit dhe pasagjerja që udhëtonte me të kanë pësuar dëmtime dhe janë dërguar me urgjencë në Spitalin Rajonal të Fierit, ku ndodhen jashtë rrezikut për jetën.
Njoftimi i policisë:
Rreth orës 20:20, në aksin rrugor “Fier-Libofshë”, shtetasi D. H., 19 vjeç, duke drejtuar automjetin, ka përplasur një motomjet me drejtues shtetasin A. M., dhe pasagjere shtetasen M. M.
Nga përplasja janë dëmtuar shtetasit që udhëtonin me motomjet, të cilët ndodhen në spital për ndihmë mjeksore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
