Një 79-vjeçar ka humbur jetën pasi është përplasur nga një makinë në aksin Elbasan-Librazhd.
Policia bën me dije se aksidenti ka ndodhur rreth orës 21:00, në fshatin Mengel. Mësohet se makina që përplasi të moshuarin drejtohej nga shtetasi Xh. A., 34 vjeç, i cili është shoqëruar nga policia.
Sipas informacioneve, 79-vjeçari pasi është përplasur nga makina është transportuar për në spital, por nuk ka mundur të mbijetojë për shkak të plagëve të marra.
Ndërkohë, grupi hetimor në vendin e ngjarjes vijon veprimet hetimore për zbardhjen e plotë të rrethanave dhe shkakut të aksidentit.
