Policia ka dhënë informacion zyrtar në lidhje me aksidentin e ndodhur në aksin rrugor Elbasan- Bradashesh, ku u përplas një minibus me një mjet tip “Volkswagen”.
Sipas policisë, nga përplasja kanë mbetur të plagosur 5 persona që ndodheshin në minibus dhe 2 që udhëtonin me mjetin e Volkswagen.
Aktualisht të plagosurit ndodhen nën kujdesin e mjekëve. Ndërkohë,Policia sqaron se u bë e mundur edhe zhbllokimi i trafikut në rrugë.
Njoftimi i Policisë
Në aksin rrugor Elbasan- Bradashesh, automjet tip “Volkswagen”, është përplasur me një minibuz pasagjerësh.
Si pasojë e përplasjes janë plagosur 5 persona pasagjerë të minibuzit të cilët janë transportuar në spital të Elbasanit, dhe ndodhen jashtë rrezikut për jetën. Po si pasojë e përplasjes janë plagosur drejtuesja e mjetit të “Volkswagen” shtetasja F.B., dhe pasagjeri shtetasi K.D., ndodhen nën kujdesin e mjekëve.
Grupi hetimor ndodhet në vendngjarje dhe vijon punën për zbardhjen e shkakut të aksidentit.
Shërbimet e Policisë morën masa të menjëhershme duke siguruar rrugëkalimin e autoambulancave që transportuan në kohë të shpejtë të plagosurit si dhe bënë të mundur zhbllokimin e trafikut në të dyja kahët e lëvizjes./ Opinion.al
