Një aksident me vdekje ka ndodhur ditën e sotme në lagjen nr.13 në Durrës.
Uniformat blu bëjnë me dije se prej përplasjes së dy makinave, ka humbur jetën një 37-vjeçar.
Mësohet se kanë mbetur të dëmtuar edhe dy vajza, drejtuese dhe pasagjere e të njëjtit automjet.
“Më datë 27.02.2025, në lagjen nr. 13, Durrës, në rrugën “Martin Camaj”, automjeti me drejtues shtetasin R. L., 37 vjeç, është përplasur me automjetin me drejtuese shtetasen T. Ç., 49 vjeçe.
Si pasojë ka humbur jetën në vendngjarje shtetasi R. L. dhe janë dëmtuar shtetasja T. Ç. dhe pasagjerja në automjetin e saj, shtetasja K. D., të cilat ndodhen në kujdesin e mjekëve”, njofton policia.
Grupi hetimor po punon për zbardhjen e rrethanave të aksidentit./Opinion.al
