Një ngjarje e rëndë ka ndodhur pasditen e sotme në Devoll. Mësohet se një 36-vjeçar ka përplasur për vdekje një 75-vjeçare në rrugën Bilisht-Miras. Policia njofton se autori që drejtonte mjetin tip “Benz” është arrestuar në flagrancë.
Njoftimi i policisë:
Devoll
Në vijim të informacionit paraprak datë 29.10.2019, informojmë se specialistët e Sektorit për Policinë Rrugore, bënë arrestimin në flagrancë të shtetasit V.H, 36 vjeç, banues në Sul, pasi në rrugën Bilisht-Miras, ky shtetas duke drejtuar mjetin tip “Benz”, ka aksidentuar shtetasen Gj.H, 75 vjeçe, banuese në Poloskë, e cila më pas ka gjetur vdekjen në Spital.
Materialet i kaluan Prokurorisë pranë Gjykatës së Shkallës së Parë Korçë për veprën penale “Shkelja e rregullave të qarkullimit rrugor”./Opinion.al
