Një aksident ka ndodhur ditën e sotme në Cërrik ku shtetasi O.M., rreth 50 vjeç, banues në fshatin Shalës Cerrik, duke drejtuar motoçikletën tip “Pjaxho”, është përplasur me mjetin bujqësor “Autokombanjë”, me drejtues shetasin Q. B., 61 vjeç, banues në fshatin Shalës.
Si pasojë e aksidentit shtetasi O.M., nuk ka mundur ti mbijetoj plagëve të marra dhe si pasojë ka ndërruar jetë në vendin e aksidentit, njoftoi policia.
Drejtuesi i mjetit bujqësor shtetasi Q.B., është shoqëruar në Komisariatin e Policisë për veprimet e mëtejshme.
Grupi Hetimor ndodhet në vendngjarje dhe po punon për zbardhjen e shkakut të aksidentit.
