Një aksident i rëndë ka ndodhur pasditen e sotme në aksin Burrel-Rrëshen, ku një automjet ka përplasur për vdekje një këmbësorë.
Ngjarja ka ndodhur rreth orës 17:45, në fshatin Urakë.
Policia bën me dije se shoferi ka humbur kontrollin mbi drejtimin e automjetit të tij dhe ka aksidentuar këmbësorin, i cili ka ndërruar jetë në spital.
Blutë kanë shqoqëruar drejtuesin e mjetit në Komisariat.
Njoftimi i plotë:
Rreth orës 17:45, në fshatin Urakë, shtetasi G.Gj , 40 vjeç, dyshohet se ka humbur kontrollin mbi drejtimin e automjetit të tij dhe ka aksidentuar këmbësorin, shtetasin Q.N., rreth 70 vjeç, i cili si pasojë e aksidentit, ka ndërruar jetë në spital.
Drejtuesi i automjetit, shtetasi G.Gj., u shoqërua në Komisariat për veprime të mëtejshme.
Grupi hetimor vijon hetimet për zbardhjen e plotë të rrethanave të aksidentit.
