Një aksident u shënua në orët e mëngjesit të sotëm në Berat. Makina ka përplasur dy këmbësorë të cilët janë dërguar në spital. Policia tha se aksidenti ka ndodhur në orën 09:30 në rrugën Antipatrea në afërsi të vendit të quajtur “Varrezat e Dëshmorve”.
“Menjëherë në vendngjarje mbrritën shërbimet e policisë ku konstatuan se shtetasi E.P, 35 vjeç, banues në Tiranë, duke drejtuar mjetin me targa AA614MD, ka përplasur shtetasit K.K, 55 vjeç, dhe E.E, 25 vjeç.
Të dy të dëmtuarit janë dërguar në Spitalin Rajonal Berat ku po marrin ndihmë mjeksore. Drejtuesi mjetit është shoqëruar në ambjentet e Komisariatit Berat për veprime të mëtejshme. Grupi hetimor po punon për zbardhjen e plotë të rrethanave të ngjarjes”, njofton policia.
