Një aksident me pasojë vdekjen e një personi dhe plagosjen e dy të tjerëve ka ndodhur gjatë mesnatës në autostradën Tiranë-Durrës.
Aksidenti ndodhi pranë mbikalimit të këmbësorëve në Shkozet, kur mjeti tip Reno Megane me targa AA 800 BZ me drejtues shtetasin A.Sh. është perplasur me mjetin tip Benz Fuoristradë me targa AA 288 MM, me drejtues shtetasin Mirand Lala 42 vjeç, banues në Maminas.
Për pasojë, ka ndërruar jetë në Spitalin e Durrësit drejtuesi imjetit Reno, A.Sh. 32 vjeç, banues në Durrës. Po ashtu në gjendje serioze për jetën në Spitalin e Durrësit ndodhet edhe shtetasja A.B. 30 vjeçe, banuese në Durrës, pasagjere në mjetin tip Reno Megane. I plagosur ka mbetur edhe shtetasi Q.K. 58 vjeç, banues në Maminas, pasagjer në mjetin tip Benz Fuoristradë.
Menjëherë në vendngjarje, kanë shkuar Efektivat e Policisë, të cilët kanë bërë të mundur arrestimin në flagrancë të shtetasit Mirand Lala, pasi ka qenë në sens të kundërt dhe kishte konsumuar pije alkolike. Grupi hetimor po punon për sqarimin e plotë të rrethanave të ngjajres. /Balkanweb
