Një aksident është regjistruar mëngjesin e sotëm në autostradën Tiranë-Durrës.
Mësohet se në aksident janë përfshirë tre automjete. Ndërsa nga përplasja e tre automjeteve, makina tip “Audi” ka përfunduar mbi trafikndarësen e betonit në autostradë në zonën e Kasharit.
Në aksident është përfshirë edhe një “Range Rover” dhe një “Benz”.
Shkak për aksidentin e trefishtë dyshohet se është bërë një parakalim i gabuar, ndërsa nuk dihet ende nëse ka persona të plagosur.
Policia ndodhet në vendin e ngjarjes dhe po heton për shkaqet e aksidentit.
