Dy persona kanë mbetur të vdekur si pasojë e një aksidenti të rëndë të ndodhur në mesnatë në autostradën Milot-Morinë.
Sipas uniformave blu mësohet se një automjet ka dalë nga rruga dhe si pasojë shoferi dhe një pasagjer kanë ndërruar jetë.
“Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50 vjeç, banues në Tiranë, ka dalë nga rruga.
Si pasojë ka humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35 vjeç, banues në Kukës”, njofton policia.
Grupi hetimor po punon për zbardhjen e plotë të rrethanave dhe shkakut të daljes nga rruga të automjetit./Opinion.al
