Një aksident ka ndodhur mëngjesin e kësaj të mërkure në aksin Vlorë-Levan, në afërsi të Novoselës.
Mësohet se dy automjete janë përplasur me njëra-tjetrën, ku si pasojë është goditur një bari që ka tentuar të kalojë rrugën.
I dëmtuari është dërguar në spitalin rajonal të qytetit të Vlorës.
“Rreth orës 10:40, në autostradën “Vlorë-Fier”, në vendin e quajtur “Kripa”, automjeti me drejtues shtetasin M. D., 33 vjeç, është përplasur me automjetin me drejtues shtetasin T. D., 74 vjeç. Nga përplasja e automjeteve është dëmtuar një këmbësor në këtë zonë, shtetasi N. K., rreth 75 vjeç, i cili është transportuar në spital, ku është në kujdesin e mjekëve.
Në vendngjarje ndodhet grupi hetimor, i cili po punon për sqarimin e rrethanave të aksidentit”, njofton policia.
