Një aksident i pazakontë ka ndodhur mbrëmjen e sotme në aksin rrugor Levan – Pishporo në vendin e quajtur Qarr.
Sipas informacioneve të para, mësohet se drejtuesi i një automjeti ka përplasur dy automjete të tjera.
Nga përplasja kanë mbetur të plagosur katër shtetas dhe janë dëmtuar bagëtitë e imëta, të cilat kanë qenë duke kaluar rrugën.
Dyshohet se shkak ka qenë shpejtësia e lartë me të cilën po udhëtonte drejtuesi i mjetit. Ndërkohë në vendngjarje ndodhet policia dhe grupi hetimor për zbardhjen e plotë të ngjarjes.
Fier/ Informacion paraprak
Rreth orës 18:40, në aksin rrugor “Levan-Qarr”, automjeti me drejtues shtetasin L. Dh., është përplasur me automjetin me drejtues shtetasin E. K., dhe me automjetin me drejtues shtetasin B. S.
Si pasojë e përplasjes janë dëmtuar shtetasit L.Dh., dhe 3 pasagjerë të cilët ndodhen në spital për ndihmë mjeksore, jashtë rrezikut për jetën.
Gjithashtu nga përplasja e automjeteve në rrugë janë dëmtuar bagëtitë e imta të shtetasit N. M.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
