Një aksident ka ndodhur mëngjesin e sotëm, në aksin rrugor Lushnje-Tiranë.
Uniformat blu bëjnë me dije se shtetasi K.B., ka humbur kontrollin e mjetit dhe ka dalë nga rruga.
Si pasojë kanë mbetur të lënduar shoferi dhe dy fëmijët e tij.
“Rreth orës 06:30, në aksin rrugor “Lushnjë-Tiranë”, shtetasi K. B., duke drejtuar automjetin, ka humbur kontrollin e automjetit dhe ka dalë nga rruga.
Si pasojë e daljes së automjetit nga rruga, janë dëmtuar lehtë shtetasi K. B., dhe 2 fëmijët e tij të mitur, të cilët ndodhen në spital për ndihmë mjeksore, jashtë rrezikut për jetën”, njofton policia.
Grupi hetimor po punon për sqarimin e plotë të rrethanave të aksidentit.
