Një aksident i rëndë me katër të plagosur ka ndodhur mbëmjen e sotme në aksin Levan-Tepelenë.
Sipas njoftimit të policisë, aksidenti ka ndodhur në fshatin Kashishtë, ku dy mjete janë përplasur me njëra-tjetrën.
Të lënduar kanë mbetur drejtuesit e dy mjeteve dhe dy pasagjërët, të cilët janë transportuar drejt spitalit dhe po marrin ndihmë mjekësore.
Njoftimi i policisë:
Rreth orës 19:00, në aksin rrugor Levan-Tepelenë, në fshatin Kashishtë, automjeti me drejtues shtetasin F. B., 35 vjeç, banues në Tepelenë është përplasur me automjetin tip “Benz”, me drejtues shtetasin P. H., 24 vjeç, banues në Fier.
Si pasojë e aksidentit janë dëmtuar dy drejtuesit e automjeteve dhe dy pasagjerët e mjetit tip “Benz”, shtetasi Xh. Ç., 23 vjeç dhe shtetasi V. K., 18 vjeç, banues në Fier, të cilët janë transportuar në spital për ndihmë mjeksore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
