Një aksident ka ndodhur mesditën e sotme në aksin nacional Korçë-Pogradec në afërsi të fshatit Sovjan.
Sipas uniformave blu, ngjarja ka ndodhur në aksin rrugor “Korçë-Pogradec”, ku shtetasi A.C duke drejtuar një automjet tip “Volkswagen”, dyshohet se ka humbur kontrollin e automjetit dhe ka dalë nga rruga.
Bëhet me dije se nga aksidenti është lënduar shtetasi G.D, i cili ndodhet për mjekim në spitalin e Korçës.
Nga pamjet e siguruara nga vendi i ngjarjes, shihet se mjeti është përplasur me barrierat në anësore të rrugës.
“Sot në aksin rrugor “Korçë-Pogradec”, pranë fshatit Symiz, Maliq, shtetasi A. C., duke drejtuar një automjet tip “Volkswagen”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar shtetasi G. D., pasagjer në automjet, i cili u transportua për mjekim në spitalin e Korçës”, tha policia./Opinion.al
