Një 62-vjeçar ka humbur jetën si pasojë e një aksidenti në aksin rrugor Gjirokastër-Tepelenë.
Sipas uniformave blu mësohet se aksidenti ndodhi në orët e para të mëngjesit të kësaj të premteje, ku shtetasi Q. N., 62 vjeç teksa drejtonte mjetin humbi kontrollin dhe doli nga rruga.
“Rreth orës 05:10, në aksin rrugor “Gjirokastër-Tepelenë”, në afërsi të “Urës së Kardhiqit”, shtetasi Q. N., 62 vjeç, banues në Gjirokastër, duke drejtuar automjetin, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.
Shtetasi Q. N., ka humbur jetën në vendngjarje”, njofton policia.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit./Opinion.al
